Dani Alveş Braziliya millisinin heyətində ən çox oyun keçirən futbolçuların siyahısında ikinci pilləyə yüksəlib. 39 yaşlı müdafiəçi ötən gecə Cənubi Koreya ilə matçda “sambaçılar”ın heyyətində 126-cı dəfə meydana çıxıb. O, 4:1 hesabı ilə qalib gəldikləri görüşün 63-cü dəqiqəsində Eder Militaonu əvəzləyərək Roberto Karlosu geridə qoyub. Alveş, indi yalnız Kafudan geri qalır.