Almaniya Bundesliqasında 7-ci turun mərkəzi görüşü Dortmund Borussiyası ilə Bavariya arasında keçirilib
2020-11-08 10:06
Almaniya Bundesliqasında 7-ci turun mərkəzi görüşü Dortmund Borussiyası ilə Bavariya arasında keçirilib. Siqnal İduna Parkda təşkil olunan qarşılaşma qonaqların qələbəsi ilə yekunlaşıb - 3:2. Hesabı 45-ci dəqiqədə meydan sahiblərindən Marko Roys açıb. Lakin ilk yarının 4-cü uzatma dəqiqəsində David Alaba bərabərliyi təmin edib. İkinci hissəyə Bavariya qolla başlayıb. 48-ci dəqiqədə Robert Levandovski fərqlənib. 80-ci dəqiqədə Leroy Sane fərqi artırıb. Bundan 3 dəqiqə sonra Erlinq Holann Borussiyanın təsəlli qolunu vurub. Bu qələbə sayəsində Bavariya 18 xalla vahid liderə çevrilib. Borussiya Dortmund isə 15 xalla 2-ci yerdə qərarlaşıb.
Fərid Mehdiyev