Almaniyanın “Hannover 96” klubunun futbolçusu Derrik Köhn Türkiyə təmsilçisi “Qalatasaray”la anlaşıb. Klublar 25 yaşlı sol cinah müdafiəçisinin keçidi ilə bağlı ortaq məxrəcə gəliblər. Almaniyanın U-19 yığmasının sabiq oyunçusu tibbi müayinədən keçmək və münasibətləri rəsmiləşdirmək üçün artıq İstanbuldadır. Bu transferin “Qalatasaray”a 3 milyon avroya başa gələcəyi bildirilib. Derrik Köhn Almaniya nəhəngi “Bavariya”nın yetirməsidir. O, 2022-ci ildən bəri “Hannover 96” klubunda çıxış edir.

Fərid Mehdiyev