2021-02-25 18:05

Magistraturaya qəbul üzrə növbəti imtahan mayın 29-u keçiriləcək. Ali məktəblərə qəbul imtahanının ikinci mərhələsi üzrə də iştirakçılara yenə 2 dəfə cəhd etmək imkanı veriləcək. Dövlət İmtahan Mərkəzinin Direktorlar Şurasının sədri Məleykə Abbaszadə bildirib ki, III qrup üzrə ilk imtahan mayın 21-i, II qrup üzrə mayın 22-də keçiriləcək. I qrupa sənəd verənlərin bir hissəsi 4 iyun, qalan hissəsi isə 5 iyunda imtahan verəcəklər. 5 iyunda IV qrup üzrə də imtahan olacaq. II cəhd üzrə imtahanlar isə III qrup üzrə 6 iyul, II qrup üzrə 7 iyul, I qrup üzrə 20-21 iyul, IV qrup üzrə isə 21 iyulda olacaq. “Jurnalistika” ixtisasına qabiliyyət imtahanı 28 iyulda keçiriləcək. Cari və əvvəlki illərin məzunları eyni gündə imtahan verirlər.

Fərid Mehdiyev