Avropa İttifaqının Azərbaycandakı səfiri Peter Mixalko Xarici İşlər Nazirliyinə çağırılıb. Görüş zamanı İttifaqın Ermənistandakı Monitorinq Missiyasının əldə olunmuş ilkin razılıqlara zidd olan fəaliyyətinin ciddi narahatlıq doğurduğu diqqətə çatdırılıb. Missiyanın Azərbaycan əleyhinə təbliğat vasitəsi kimi geniş şəkildə sui-istifadə olunduğu qeyd edilib. "Binokl diplomatiyası”nın fəallığının narahatlıq doğurduğu vurğulanıb. Missiyanın Azərbaycanın suverenliyinə qarşı yönəlmiş və ya onun legitim təhlükəsizlik maraqlarına təsir edəcək hər hansı fəaliyyətdən çəkinməsini təmin etmək üçün lazımi tədbirlər görməyə dair İttifaqa çağırış edilib.

Vüsalə Cənnətova