AFFA 3 komandanı cərimələyib
AFFA-nın İntizam Komitəsinin növbəti iclasında Azərbaycan Premyer Liqasının 30 turunun matçlarında qeydə alınan qayda pozuntularına hüquqi qiymət verilib. “Turan Tovuz”la görüşdə “Qəbələ”nin 4 futbolçusunun sarı vərəqə alması klubun 700 manat cərimələnməsinə səbəb olub. 5 futbolçusu sarı vərəqə alan Tovuz təmsilçisi də 700 manat ödəyəcək. “Kəpəz”lə matçda “Səbail”in futbolçusu Adi Mehremiç hakimi təhqir etdiyi üçün birbaşa qırmızı vərəqə aldığına görə 2 oyun şərti olmaqla 4 oyun cəzalanıb, “dənizçilər” 3000 manat ziyana düşüb.
Vüsalə Cənnətova