Ağ Ev Birləşmiş Ştatların Vitse-prezidenti Cey Di Vensin Pakistana planlaşdırılan səfərinin ləğv edildiyini təsdiqləyib. Qərar Donald Trampın İranla bağlı mövqeyi və davam edən danışıqlar fonunda verilib. ABŞ Prezidenti qeyd edib ki, Hörmüz boğazı ətrafında yaranmış gərginlik və dəniz blokadası İranla razılaşmaya maneə olmaya bilər. Onun sözlərinə görə, əgər ABŞ tərəfi Hörmüz boğazında İran gəmilərinə qarşı blokadanı dayandırarsa, bu addım gələcək razılaşmanı çətinləşdirə bilər. Eyni zamanda, Vaşinqton Pakistan rəhbərliyinin müraciəti əsasında İranla atəşkəs rejiminin uzadıldığını açıqlayıb.İran Xarici İşlər Nazirliyinin sözçüsü İsmayıl Bəqai isə bildirib ki, Tehranın İslamabadda ABŞ ilə mümkün danışıqlarda iştirakı ilə bağlı tərəddüdü qətiyyətsizlikdən deyil, Vaşinqtonun ziddiyyətli siqnallarından qaynaqlanır. Onun sözlərinə görə, İran yalnız ABŞ real nəticəyə yönəldiyi halda danışıqlara qoşulacaq.

22 aprel 2026