ABŞ mətbuatında Ermənistan və Azərbaycan arasında davamlı sülhlə bağlı məqalə dərc olunub
2021-02-23 10:00
Amerikanın məşhur "Newsweek" jurnalında Azərbaycanın ABŞ-dakı Səfiri Elin Süleymanovun Vətən müharibəsindən sonra Ermənistan və Azərbaycan arasında davamlı sülhün əldə edilməsinə həsr olunan məqaləsi dərc edilib. Yazıda müharibənin başa çatmasından sonra Ermənistan və erməni xalqı üçün yeni imkanlar yarandığından, təcavüzün emosional və iqtisadi fəlakətindən qurtarıb Azərbaycanlı qonşuları ilə sülh şəraitində yaşamağın mümkünlüyündən bəhs olunur. ABŞ şirkətlərinin smart və yaşıl şəhərlərin qurulmasında iştirakının vacibliyi qeyd edilir. Vurğulanır ki, Birləşmiş Ştatlar tərəf tutmadan hər iki ölkənin beynəlxalq hüquqa uyğun şəkildə davranması istiqamətində obyektiv vasitəçi rolunu tutmalıdır.
Vüsalə Camal