2020-11-17 18:07

Respublika əhəmiyyətli yollarda quraşdırılan radarlar və müşahidə kameraları yol hərəkəti qaydalarına əməl etməyən sürücüləri avtomobilin dövlət nömrə nişanı ilə müəyən edir. Ancaq Ağstafadan olan bəzi sürücülər qayda pozuntularını gizlətmək üçün maşını nömrəsiz idarə edirlər. Bu, Dövlət Yol Polisi əməkdaşlarının keçirdikləri növbəti yoxlama zamanı müəyyən olunub. Nəzarət tədbiri zamanı sürücülər avtomobili texniki baxışdan keçirmədiklərindən və sığorta müddəti başa çatdığından bu üsula əl atdıqlarını etiraf ediblər. Qaydaları pozanlar barəsində İnzibati Xətalar Məcəlləsinə uyğun olaraq tədbir görülüb.

Vüsalə Camal