2021-12-30 10:11

Dekabrın 29-u saat 16 radələrində, Ağdam rayonunun işğaldan azad edilən "Yeddi xırman" adlanan ərazisində 28 yaşlı, Bakı şəhər sakini Rəhimli Anar Məhəmməd oğlunun odlu silahdan açılmış atəş nəticəsində xəsarət alması faktı ilə bağlı rayon prokurorluğuna məlumat daxil olub. Baş Prokurorluqdan bildirilib ki, ilkin araşdırmalarla mobil operator şirkətlərindən birinin əməkdaşı olan Anar Rəhimlinin qeyd edilən ərazidə xidməti vəzifələrini icra edərkən erməni silahlı qüvvəlləri tərəfindən atəşə tutulması nəticəsində xəsarət aldığı müəyyən edilib. Faktla bağlı Baş Prokurorluqda cinayət işi başlanıb.

Vüsalə camal