Ağdamda 3 nəfər minaya düşüb, 1-i həlak olub
2020-12-12 16:05
Dünən saat 17 radələrində Müdafiə Nazirliyinin N saylı hərbi hissəsinin bir hərbi qulluqçusu, Ağdam rayon sakinləri 36 yaşlı Əhmədov Toğrul Vilayət oğlu və 30 yaşlı Məmmədov Elçin Qanboy oğlu işğaldan azad olunmuş Ağdam rayonunun Şahbulaq kəndində piyada əleyhinə minaya düşüblər. Nəticədə Elçin Məmmədov həlak olub, hərbi qulluqçu və Toğrul Əhmədov isə ağır dərəcəli bədən xəsarətləri alıblar. Faktla bağlı cinayət işi başlanılıb. Baş Prokurorluq və Daxili İşlər Nazirliyi bir daha əhaliyə xəbərdarlıq edərək, azad olunan ərazilərə minalardan və digər partlayıcı vasitələrdən tam təmizlənənədək səfər etməmələrini xahiş edir.
Vüsalə Camal