Ağdaşda heroin alverçiləri saxlanılıb
2020-02-21 14:02
Ağdaşda şəhər sakini 40 yaşlı Teymur Əzizov saxlanılıb. Onun üzərindən satış məqsədilə saxladığı 1,3 qram heroin, yaşadığı evdən isə ümumilikdə 15 ədəd sellofan və kağız bükümlərdə heroin və qurudulmuş marixuana, həmçinin 1 ədəd elektron tərəzi aşkar olunaraq maddi sübut kimi götürülüb. Polis əməkdaşlarının tərəfindən keçirilmiş digər əməliyyat tədbirləri ilə narkotik vasitələrin qanunsuz dövriyyəsində şübhəli bilinən şəhər sakini, əvvəllər də dəfələrlə məhkum olunmuş Anar Süleymanov saxlanılıb. Şəxsi axtarış zamanı ondan 1 ədəd bükümdə heroin aşkar edilib.
Ruhəngiz Hacızadə