Ağcabədidə rayon sakinləri Ayxan Quliyev və İsa Cəfərovun idarə etdikləri müvafiq olaraq "Mercedes" və "Lada" markalı avtomobillər toqquşub. Nəticədə "Lada"nın sərnişini Rəşadət Abbasov ölüb, 3 nəfər isə müxtəlif dərəcəli bədən xəsarətləri alaraq xəstəxanaya yerləşdirilib. Şəmkirin Sərxan yaşayış massivində isə idarəetmənin itməsi nəticəsində avtomobil yoldan çıxaraq qəbiristanlığın hasarına çırpılıb. Qəza zamanı sürücü, 1975-ci il təvəllüdlü Kəmalə Çündü xəsarət alaraq xəstəxanaya yerləşdirilib.