2021-05-25 14:05

Operativ Qərargah karantin rejiminin yumşaldılması ilə bağlı qərarları açıqlayıb. Mayın 31-dən açıq havada maskasız gəzməyə icazə verilir, bölgələrarası ictimai nəqliyyatın fəaliyyəti bərpa edilir. İyunun 10-dan isə ibadət məkanları, iri ticarət mərkəzləri, çimərliklər və COVİD pasportu olanlar üçün idman zalları açılacaq. Peyvəndin hər iki dozasını vurduranlara vaksin sertifikatı, koronavirusdan sağalanlara isə immunitet sertifikatı veriləcək. Bu sertifikatların hər ikisi COVİD pasportu adlanacaq. Bunların hər hansı birinə malik olanlar idman-sağlamlıq obyektlərinin xidmətindən istifadə edə biləcəklər. Gələcəkdə bu yanaşmanın toylara, konsert, teatr və şənliklərə də tətbiqi nəzərdə tutulur.

Fərid Mehdiyev