44 gündə Tərtərə 16 mindən çox mərmi atılıb
2020-11-28 16:05
44 gün davam edən müharibə zamanı Tərtərə 16 mindən çox mərmi atılıb. Bunu Tərtər Rayon İcra Hakimiyyətinin başçısı Müstəqim Məmmədov bu gün diplomatik korpusun nümayəndələri, beynəlxalq təşkilatların Azərbaycandakı nümayəndəliklərinin rəhbərlərinin rayona səfəri zamanı deyib.Onun sözlərinə görə, şəhərin mərkəzi də daxil olmaqla, 44 yaşayış məntəqəsi atəşə məruz qalıb.21 ədəd qadağan olunmuş “Smerç” raketi atılıb, 4000 obyektə, 2000 fərdi yaşayış evinə, çoxlu sayda məktəb binasına ziyan dəyib.
Vəfa Şairova