Özbəkistanın paytaxtı Daşkənddə cüdo üzrə Böyük Dəbilqə start götürür. İlk gündə Azərbaycan millisinin 4 üzvü iki çəki dərəcəsində mübarizə aparacaq. 60 kq-da Əhməd Yusifov 1/16 finaldan, Rövşən Əliyev isə 1/8 finaldan yarışa qoşulacaq. 66 kq çəki dərəcəsində Kamran Süleymanov və Ruslan Paşayev isə 1/16 finaldan mübarizəyə başlayacaqlar. Martın 5-dək davam edəcək Böyük Dəbilqədə Azərbaycan ümumilikdə 6 cüdoçu ilə təmsil olunur. Nəriman Mirzəyev və Rəşid Məmmədəliyev 73 kq çəki dərəcəsində çıxış edəcəklər.

Nərgiz Camalzadə