4 ölkə Azərbaycanla hava sərhədlərini açacaq
2020-06-09 10:03
4 ölkə Azərbaycanla hava sərhədlərini açacaq. Qazaxıstanla Azərbaycan arasındakı birbaşa uçuşların bərpasına iyulun 1-dən sonra baxılacaq. Rusiya iyulun 15-də, Türkiyə isə iyunun 15-də Azərbaycanla beynəlxalq hava əlaqəsini bərpa edəcək. Macarıstanın “Wizzair” aviaşirkəti isə iyunun 19-dan Bakı-Budapeşt-Bakı reysini bərpa edəcəyi ilə bağlı açıqlama verib. Nazirlər Kabinetinin Mətbuat xidmətinin rəhbəri İbrahim Məmmədovun sözlərinə görə, ölkədə uçuşlar iyunun 15-ə kimi dayandırılıb. Başqa ölkələrin Bakıya uçuşları bərpa etməsi ilə bağlı isə məlumat daxil olmayıb.
Fərid Mehdiyev