Şəmkirin Yeni Həyat kəndində 2007-ci il təvəllüdlü Ayxan Amasovun idarə etdiyi “VAZ 21012” markalı avtomobil aşıb. Sürücü və sərnişini Alıyev Turxan İlham oğlu xəsarət alıb, digər sərnişin - Alıyev Orxan İlham oğlu xəstəxanada ölüb.
Mingəçevirdə isə “Audi” markalı avtomobil dəmiryol keçidinin yaxınlığında təmas xəttinin dirəyinə çırpılıb. Sürücü dünyasını dəyişib.
Abşeronda da Eldəniz Əhmədovun idarə etdiyi "Mitsubishi" markalı avtomobillə Rasim Hacıyevin idarə etdiyi "VAZ 21063" markalı avtomobil toqquşub. Hacıyev ölüb, sərnişini Samirə Hacıyeva xəstəxanadadır.

Vüsalə Cənnətova