2021-05-28 10:10

Prezident İlham Əliyevin dünən imzaladığı “Məhkum edilmiş bir sıra şəxslərin əfv olunması haqqında” sərəncamın icrasına başlanılıb. Azadlıqdan məhrumetmə cəzasına məhkum olunan 167 nəfər cəzasının çəkilməmiş hissəsindən, 1 şəxs ömürlük azadlıqdan məhrumetmə cəzasından, azadlıqdan məhrumetmə cəzasına şərti olaraq məhkum edilmiş 3 nəfər cəzadan, azadlığın məhdudlaşdırılması cəzasına məhkum edilmiş 6 nəfər cəzalarının çəkilməmiş hissəsindən azad olunublar. 36 nəfərin cəzasının çəkilməmiş hissəsi yarıyadək azaldılıb. Əfv olunan 213 nəfərdən 3-ü əcnəbi, 3-ü jurnalist və bloqer, 3-ü siyasi partiya üzvü, 20-si isə 2018-ci il iyulun 10-da Gəncədə kütləvi iğtişaşlarda iştirak edən şəxslərdir.

Vüsalə camal