2020-07-29 10:07

Gürcüstanı pandemiyaya görə tərk edə bilməyən 150-yə yaxın Azərbaycan vətəndaşının Vətənə təxliyə prosesi başlayıb. Vətəndaşlarla yanaşı təxminən 100 nəfər soydaşımız da Azərbaycana çatdırılacaq. Onların arasında 8 Rusiya və 1 Türkiyə vətəndaşı da var. Təxliyə olunan şəxslərin koronavirusla bağlı verdikləri testlər neqativ nəticələnib. Onlar Azərbaycanın Gürcüstandakı səfirliyinin binası qarşısından 4 avtobusla "Qırmızı körpü" sərhəd-keçid məntəqəsinə yola salınıb. Azərbaycan ərazisinə daxil olan kimi həmin şəxslərin yaşadıqları yerə çatmaq üçün birgünlük icazələri olacaq.

Vəfa Şairova