115 kq narkotik vasitənin və odlu silahların ölkəyə keçirilməsinin qarşısı alınıb
2020-05-05 12:06
Beyləqanın Əhmədli kəndində sərhəd zastavasının xidməti sahəsində VAZ-2107 əraziyə yaxınlaşıb və maşından bir nəfər düşərək ağacın altından bir neçə bağlama götürərək avtomobilə doğru hərəkət edib. Həmin şəxs saxlanılıb. Onun 50 yaşlı, Rusiya vətəndaşı Şükür Mehtiyev olması müəyyənləşdirilib. Mehdiyevin avtomobilə daşıdığı və ağacın altında qalan bağlamalarda ümumi çəkisi 115 kq olan müxtəlif narkotik vasitələr, 9 mm kalibrli tapança, 8 ədəd 9 mm kalibrli güllə, daraq, 12 kalibrli "Kral maqnium" markalı ov tüfəngi, 19 ədəd 12 kalibrli İran istehsalı olan "Mahama" markalı güllə aşkar olunub. Fakt araşdırılır.
Vəfa Şairova