2021-03-12 10:00

Azad olunmuş, “yaşıl enerji” zonası elan edilən torpaqlarda bərpa olunan enerji, su, günəş və külək mənbələrindən istifadəni planlaşdırırıq. Böyük beynəlxalq enerji şirkətləri ilə Avropa Yenidənqurma və İnkişaf Bankının da maliyyələşdirdiyi layihələr üzrə yaxşı iş təcrübəmiz var. Ümid edirik, eyni təcrübə azad edilmiş ərazilərdə də tətbiq olunacaq. Prezident İlham Əliyev Bankın yeni prezidenti Odil Reno-Bassonu və bank rəhbərliyinin digər nümayəndələrini videoformatda qəbulu zamanı onu da bildirib ki, 10 min kvadratkilometrdən böyük bir ərazini yenidən qurmaq lazımdır və artıq buna başlanılıb. İlin sonuna kimi bütün Qarabağ ərazisi üçün enerji təchizatını 100 faiz tamamlamaq da planlaşdırılır.

Nərgiz camal