“Sivasspor” – “Qarabağ” matçının hakimlərinin dəyişdirilmə səbəbi açıqlanıb
2020-11-05 12:10
UEFA Avropa Liqasının qrup mərhələsində keçiriləcək “Sivasspor” – “Qarabağ” matçının hakimlərinin dəyişdirilmə səbəbi açıqlanıb. Portuqaliyadan olan hakimlər briqadasının isveçrəlilərlə əvəzlənməsi şəxsi problemlərdən qaynaqlanıb. UEFA tərəfindən təyin edilən Joao Pineyro ailəvi problemləri əsas gətirərək, təyinatının dəyişdirilməsini xahiş edib. Məhz bu səbəbdən qitə futbol qurumu həm onu, həm də köməkçilərini Türkiyəyə göndərməmək qərarına gəlib. Bu gün “Yeni 4 Eylül” stadionunda keçiriləcək görüşdə ədaləti isveçrəli Sandro Şarer qoruyacaq. Ona həmyerliləri yardım edəcəklər.
Nərgiz Camal