2021-05-25 18:00

Prezident İlham Əliyev “Signify” şirkətinin baş icraçı direktoru Erik Rondolat ilə görüşündə Bakı, Sumqayıt və Şamaxının küçələrinin işıqlandırılması üçün şirkət tərəfindən görülən işlərdən məmnunluğunu bildirib. Növbəti mərhələdə Gəncə, Mingəçevir, Şəki, Qəbələ, Şirvan və Lənkəranda da küçə işıqlandırılması layihələrinin hazırlanmasının vacibliyini qeyd edib. Dövlətimizin başçısı bildirib ki, “Signify” şirkətinin Şuşa və Ağdam şəhərlərinin baş planlarının hazırlanması mərhələsində bu prosesə qoşulması məqsədəuyğundur. Söhbət zamanı yeni işıq texnologiyalarının tətbiqi ilə tərəvəzçilikdə, quşçuluq və balıqçılıq təsərrüfatlarında yüksək məhsuldarlığa nail olunması üçün pilot layihələrin həyata keçirilməsi ilə bağlı məsələlər müzakirə olunub.

Nərgiz camal