2021-12-04 10:00

“Artıq Dövlət Sosial Müdafiə Fondu noyabrın 30-da Dövlət Sərhəd Xidmətinin hərbi helikopterinin Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğraması nəticəsində şəhid olan hərbi qulluqçularımızın ailələrinin sənədlərinin toplanmasına başlayıb”. Əmək və əhalinin sosial müdafiəsi naziri Sahil Babayev bildirib ki, onlara müvafiq sosial ödənişlərin hər biri bu ay ərzində təyin olunacaq. Digər sosial hüquqları da təmin olunacaq. Dövlət Sərhəd Xidmətindən isə qəzada yaralanan hər iki hərbi qulluqçunun səhhətinin normal olduğu, onların sağlamlıqlarının bərpa olunması üçün bütün lazımi tədbirlərin görüldüyü bildirilib.

Vüsalə camal