“Qarabağ”ın oyununa azarkeşlər buraxılacaq
2020-10-19 17:01
Türkiyənin “Sivasspor” klubu Avropa Liqasının qrup mərhələsində ev oyunlarına azarkeş buraxa biləcək. Bu barədə Türkiyə Futbol Federasiyasından bildirilib. Federasiya rəsmiləri Super Liqa, aşağı liqalar və avrokuboklarda oyunlara azarkeşlərin cəlb olunması ilə bağlı klubların müraciətini müsbət cavablandırdıqlarını açıqlayıb. Səhiyyə nazirliyinin də icazəsi olarsa, matçlara 30 faizədək azarkeşlərin buraxılması prosesinə başlanıla bilər. “Sivasspor”la “Qarabağ” arasında Sivasdakı qarşılaşma III tur çərçivəsində noyabrın 5-də keçiriləcək.
Fərid Mehdiyev