2021-05-19 18:04

Türkiyə Super Liqasında mövsümü 2-ci pillədə başa vuran “Qalatasaray” 6 futbolçu ilə yollarını ayırıb. Martin Linnes, Şener Özbayraklı, Əmrə Taşdemirlə yeni müqavilə imzalanmayıb. İcarə əsasında "Aslanlar"da çıxış edən Oqenekaro Etebo, Marselo Sarakki və Gedson Fernandes isə klublarına qayıdıblar. Arda Turan və Əmrə Akbaba ilə yeni sözləşmə planlaşdıran rəhbərlik Ömər Bayram, Rayan Donk, Halil Dərvişoğlu və Henri Onyekuru ilə bağlı qərarını qətiləşdirməyib. “Kasımpaşa” ilə müqavilə müddəti ayın sonuna qədər olan Aytaç Kara ilə isə ilkin sözləşmə imzalanıb.

Fərid Mehdiyev