“Mançester Yunayted” və “Vilyarreal” UEFA Avropa Liqasının finalına yüksəliblər
2021-05-07 10:10
Futbol üzrə UEFA Avropa Liqasının yarımfinal mərhələsinin cavab oyunlarına start verilib. "Mançester Yunayted" və “Vilyarreal” komandaları həlledici qarşılaşmaya vəsiqə qazanıblar. "Qırmızı şeytanlar" "Roma"nı mübarizədən kənarlaşdırıb. Öz meydanındakı ilk matçda 6:2 hesablı qələbə qazanan Mançester təmsilçisi cavab görüşündə 2:3 hesabı ilə uduzsa da, adını finala yazdırıb. "Vilyarreal" isə iki oyunun nəticəsinə əsasən, "Arsenal" komandasından güclü olub. İspaniyada rəqibinə 2:1 hesabı ilə qalib gələn "sarı sualtı qayıq" Londonda qolsuz bərabərliyə nail olaraq, finala adlayıb. Turnirin həlledici görüşü mayın 26-da Qdansk şəhərində keçiriləcək.
Fərid Mehdiyev