2021-10-30 14:05
DİN-in “102 - Zəng Mərkəzi”nə müraiciət edən şəxs paytaxtdakı orta məktəbin damına bomba qoyulması barədə məlumat verib, lakin fakt təsdiqini tapmayıb. Zəng edən Bakı sakini, əvvəllər məhkum olunmuş 36 yaşlı P.Məmmədov saxlanılıb. Paytaxtda polisə müraciət edən vətəndaş leykoz xəstəliyindən əziyyət çəkən qızının şəkillərinin tanımadığı şəxs tərəfindən “İnstagram”da paylaşılaraq pul istənildiyini bildirib. “firuzeye_destek_olaq” adlı səhifənin Gəncədə yaşayan Rafiq Cəfərov tərəfindən yaradıldığı müəyyənləşib. Saxlanılan şəxs izləyicilərdən pul topladığını, xərclədiyini etiraf edib. Şəmkirdə isə polis münaqişə zəminində tüfəngdən havaya atəş açan M.Musayevi sənədləri olmayan “TOZ” markalı ov tüfəngi ilə saxlayıb.
Nərgiz camal