2021-04-09 10:11

Futbol üzrə UEFA Avropa Liqasında 1/4 final mərhələsinin ilk oyunları keçirilib. İngiltərənin “Mançester Yunayted” klubu İspaniyada “Qranada”nı 2:0 hesabı ilə məğlub edib. “Arsenal” isə Londonda Çexiyanın “Slaviya Praqa” kollektivi ilə matçda qələbəni son dəqiqələrdə əldən verib - 1:1 İspaniyanın “Vilyarreal” klubu Xorvatiyada “Dinamo Zaqreb” komandasına minimal hesabla qalib gəlib. Qonaqların qoluna 44-cü dəqiqədə penaltidən Jerar Moreno imza atıb. Futbol üzrə Türkiyə çempionatının 33-cü turu çərçivəsində “Yeni Malatyaspor” doğma meydanda “Fənərbağça”nı qəbul edib. Görüşdə qalib müəyyənləşməyib - 1:1. Türkiyə Superliqasının turnir cədvəlinə “Beşiktaş” başçılıq edir. Sonrakı pillələrdə “Fənərbağça” və “Qalatasaray” qərarlaşıb.

Nərgiz Camal