2020-09-18 12:06

Dövlət Təhlükəsizliyi Xidmətinin keçirdiyi əməliyyatla qanunsuz silahlı dəstələrin tərkibində vuruşan şəxs tutulub. Araşdırmalarla müəyyən edilib ki, Azərbaycan vətəndaşı Amil Əhmədov 2016-2019-cu illər ərzində xaricdə terror aktlarının törədilməsi ilə müşaiyət olunan silahlı münaqişələrdə iştirak məqsədilə Suriyanın Hələb şəhərində təlimlər keçib. “Ceyşullah” və digər qanunsuz silahlı dəstələrin tərkibində Hələb, Hama və İdlib şəhərlərində silahlı münaqişələrdə iştirak edib. Əhmədov sonradan gizli yollarla üçüncü dövlətin ərazisinə keçib. O, şübhəli şəxs qismində saxlanılıb, cinayət məsuliyyətinə cəlb olunaraq, məhkəmənin qərarı ilə barəsində həbs qətimkan tədbiri seçilib.

Vəfa Şairova