2020-12-05 10:09

Türkiyə Super Liqasında XI tura start verilib. Açılış matçında “Beşiktaş” meydana çıxıb. Ötən iki turda “Başakşəhər” və “Fənərbaxça” üzərində inamlı qələbə qazanan “ağ-qaralar” İstanbulun digər təmsilçisi “Kasımpaşa”ya da eyni aqibəti yaşadıb. İkinci hissənin əvvəllərindən 10 nəfərlə mübarizə aparan “Kasımpaşa” güclü rəqibi önündə darmadağına məruz qalıb. 3:0. Qələbə sayəsində xallarının sayını 19-a çatdıran Sərgən Yalçının yetirmələri 4-cü pillədəki mövqelərini möhkəmlədiblər. Turun digər oyunları 5-7 dekabrda keçiriləcək.

Vüsalə Camal