2020-09-29 10:03

Azərbaycan Ordusunun azad etdiyi ərazilərinin bir qisminin Ermənistan ordusu tərəfindən guya geri qaytarılması barədə erməni tərəfinin yaydığı xəbər dezinformasiyadır. Azad edilən ərazilərin bir qarışı belə itirilməyib. Bunu Azərbaycan Müdafiə Nazirliyi Mətbuat Xidmətinin rəisi, polkovnik Vaqif Dərgahlı bildirib. Dərgahlı Hərbi Hava Qüvvələrimizin aviasiya vasitələrinin tərkibində F-16 qırıcılarının mövcud olmadığını da qeyd edib. Ermənistan tərəfinin guya Hərbi Hava Qüvvələrimizə məxsus F-16 qırıcısının vurulması barədə yaydığı məlumat da yalandır və təxribat xarakteri daşıyır. Hazırda Azərbaycan Ordusu düşmənin müqavimətinin qırılması istiqamətində əməliyyat həyata keçirir.

Fərid Mehdiyev