2020-11-20 14:09
Silahlı Qüvvələrin Ali Baş Komandanının rəhbərliyi ilə müzəffər Azərbaycan Ordusunun işğaldan azad etdiyi Füzuli, Cəbrayıl, Qubadlı, Zəngilan, Ağdam və bu kimi tamamilə dağıdılmış rayonlarda elektrik enerji sisteminin sıfırdan yaradılması, o cümlədən işğaldan azad olunan və olunacaq digər ərazilərdə enerji sisteminin yenidən qurulması üçün “Azərenerji” kadr ehtiyyatının yaradılması məqsədi ilə müsabiqə elan edir. Mühəndis, montyor, müvafiq ixtisaslı mütəxəssislər sənədləri həftə içi 5 gün saat 9–dan 18–dək "Azərenerji" ASC-nin Kadrlar şöbəsinə təqdim edə bilərlər. Namizədlərin bilik səviyyələri Mərkəzi Müsahibə Komissiyası tərəfindən yoxlanılacaq. Eyni zamanda namizədlər Komissiyanın rəyi əsasında təlim tədris kurslarına cəlb oluna bilərlər.
Vüsalə Camal