Ermənistanın silahlandırılması bölgədə sülh və təhlükəsizliyə təhdiddir. Bunu Azərbaycanın xarici işlər naziri Ceyhun Bayramov Serbiyanın xarici işlər naziri Marko Curiçlə birgə keçirilən mətbuat konfransında deyib. "Ermənistana vədlərin verilməsi bölgə üçün ciddi təhdid mənbəyi olaraq qalır. Ermənistan sülhün bərqərar olmasında maraqlıdırsa, atdığı addımlara diqqət etməlidir. Biz bu addımlarda düzəliş gözləyirik". Bayramov deyib ki, Azərbaycan sülh sazişi ilə bağlı yenidən təkliflər paketi hazırlayıb Ermənistana təqdim edəcək.

Zülfiyyə Telmanqızı