2020-01-25 10:05

İngiltərə Kubokunun 1/16 finalında Mançester Yunayted öz meydanında Liverpulu qəbul edib. Görüş qırmızı şeytanların 3:2 hesablı qələbəsi ilə başa çatıb. Mərhələ adlayan Mançesterin 1/8 finalda rəqibi Vest Hem olacaq. İspaniya La liqasının 20-ci tur matçında Barselona Elçenin qonağı olub və inamlı qələbəyə sevinib 2:0. Atletiko isə evdə Valensiyanı 3:1 hesabı ilə məğlub edib. Madrid komandası ardıcıl altıncı qələbəsini qazanaraq liderliyini bir qədər də möhkəmləndirib. İtaliya A seriyasında 19-cu tura yekun vurulub. Yuventus Boloniyanı 2:0, Napoli isə səfərdə Veronanı 1:3 hesabı ilə üstələyib. Türkiyə Super liqasında ilk dövrənin son oyununa Malatyaspor səfərində çıxan Qalatsaray isə son dəqiqələrdə Rayan Babelin vurduğu qolla sevinib.

Fərid Mehdiyev