Ədliyyə Nazirliyi koronavirusa yoluxan məhkumlarla bağlı məlumat açıqlayıb
2020-05-13 10:00
Ədliyyə Nazirliyi koronavirusa yoluxan və karantinə yerləşdirilən məhkumların sağlamlıq vəziyyəti ilə bağlı məlumat açıqlayıb. Bəzi xroniki xəstəlikləri olan məhkumlar cəzaçəkmə müəssisəsindən kənarda ixtisaslaşmış xəstəxanalarda müayinədən və müalicədən keçirilirlər. Kənara çıxarılan belə məhkumların birində virusa yoluxma faktı aşkar edilib. Onunla kontaktda olan məhkumların və əməkdaşların səhhəti yoxlanılıb. 33 nəfərdə, o cümlədən 13 saylı cəzaçəkmə müəssisəsində saxlanılan məhkumlarda həmin virusun göstəriciləri müsbət çıxdığından onlar dərhal izolyasiya olunaraq xüsusi karantinə yerləşdirilib və müvafiq müalicə tədbirləri görülür.
Fərid Mehdiyev