2020-11-12 18:07

Azərbaycan mədəniyyətinin beşiyi olan Şuşanın tarixi mərkəzinin UNESCO-nun Ümumdünya mədəni irs siyahısına salınması məqsədilə Mədəniyyət Nazirliyi tərəfindən nominasiya dosyesinin hazırlanması istiqamətində işlərə başlanıb. 1977-ci ildə ulu öndər Heydər Əliyevin təşəbbüsü ilə yaradılan Şuşa Tarix-Memarlıq Qoruğunun 2001-ci ildə UNESCO-nun Dünya İrsinin İlkin siyahısına daxil edilməsi bu istiqamətdə atılan mühüm addımlardan biridir. Şuşa tarixi-memarlıq qoruğuna daxil olan abidələrindən Gövhərağa məscidlərini, Xan qızı Natəvanın evini, Qarabağ xan sarayını, Şuşa qalasını və digərlərini qeyd etmək olar.

Nərgiz Camal