Şuşa şəhərinə içməli suyun verilməsinə başlanılıb
2020-11-27 18:00
İşğaldan azad edilən Şuşa şəhərinə içməli suyun verilməsinə başlanılıb. "Azərsu"nun məlumatına görə, mütəxəssislərdən ibarət qrup Şuşa şəhərinə və işğaldan azad olunmuş digər rayonlara ezam olunub. Düşmən şəhəri tərk edərkən Şuşanı içməli su ilə təmin edən magistral su kəmərini də sıradan çıxarıb. Odur ki, ilkin olaraq Daşaltı kəndinin içməli su təchizatı sistemi araşdırılıb. Qəzalar aradan qaldırılıb və kəndə suyun verilişi təmin edilib. Eyni zamanda, Şuşa şəhərini müvəqqəti olaraq maşınla su ilə təmin etmək üçün Daşaltı kəndində sudoldurucu məntəqə yaradılıb. Hazırda mərmi partlayışları səbəbindən Şuşa şəhərinin daxili paylayıcı şəbəkəsinin qəzalı vəziyyətə düşmüş hissələri təmir edilir.
Nərgiz Camal