Şirvanda qardaş bacısını qətlə yetirərək basdırıb
2021-03-16 12:09
Şirvanda martın 14-də 1952-ci il təvəllüdlü şəhər sakini Bəhruzə Rəsulovanın naməlum şəkildə ölməsi, aidiyyatı təşkilatlara məlumat verilmədən meyitin dəfn edilməsi ilə bağlı prokurorluğa müraciət daxil olub. Hadisə yerinə baxış keçirilib, meyit qəbirdən çıxarılaraq məhkəmə-tibb ekspertinə təqdim olunub. Müayinə zamanı qadının bədənində qansızma və dilaltı sümüyün sınığı xəsarətləri aşkar edilib. Faktla bağlı cinayət işi başlanılıb. Müəyyən olunub ki, Rəsulovanı qardaşı 1968-ci il təvəllüdlü Alim Rəsulov əllə boğaz nahiyəsindən vuraraq öldürüb. O, şübhəli şəxs qismində tutularaq istintaqa cəlb edilib.
Nərgiz camal