Şimali Kiprdə gəmi qəzasına görə saxlanılan azərbaycanlılara qarşı ittiham dəyişdirildi
Şimali Kiprin Girne sahillərində baş verən gəmi qəzası ilə bağlı saxlanılan 9 nəfərin ittihamı dəyişdirilib. Onlardan 3-ü Azərbaycan vətəndaşıdır.Əvvəlcə təqsirləndirilən şəxslərə qarşı ehtiyatsızlıq və diqqətsizlik nəticəsində ölümə səbəb olma ittihamı irəli sürülüb.İndi isə ittiham “adam öldürmə” maddəsi ilə əvəzlənib.Məhkəmənin qərarı ilə saxlanılan şəxslərin həbs müddəti daha 3 gün uzadılıb.Növbəti məhkəmə prosesi noyabrın 24-də keçiriləcək.Qeyd edək ki, avqustun 30-da Girne sahillərində gəminin qəzaya uğraması nəticəsində 26 nəfər ölüb, 239 nəfər xilas edilib. Daha bir sərnişin itkin düşmüş hesab olunur.
20 noyabr 2026

