2021-06-13 10:00

Bakı-Şamaxı yolunun Acıdərə adlanan ərazisindən keçən hissəsində ağır yol-nəqliyyat hadisəsi baş verib. Hadisə ötən gün saat 23:00 radələrində baş verib. “Mercedes” markalı sərnişin avtobusu yoldan çıxaraq dəmir arakəsməyə çırpılıb. Hadisə nəticəsində 13 nəfər xəsarət alaraq xəstəxanaya çatdırılıb. Yaralılardan 11-i Şamaxı Mərkəzi Xəstəxanasına aparılıblar. 10 nəfərə ilkin təcili tibb yardım göstərilərək, ambulator müalicə üçün evə buraxılıb. Vəziyyəti ağır olan 1 nəfər əməliyyat üçün Bakıya göndərilib. 2 nəfər isə orta ağır vəziyyətdə Bakıya yola salınıb. Bakı-Qəbələ-Bakı marşurutu üzrə hərəkət edərək qəzaya düşən avtobusda sərnişinlər Bakı şəhəri 279 nömrəli tam orta məktəbin müəllim və şagird heyəti olub.

Nərgiz camal