"Şamaxı" Premyer Liqada mövsümün ilk qələbəsini qazanıb
"Şamaxı" futbol üzrə Azərbaycan Premyer Liqasının 2022/2023 mövsümündə ilk qələbəsini qazanıb. Komanda XIII turda səfərdə "Turan Tovuz"la üz-üzə gəlib. Qarşılaşma qonaqların 3:1 hesablı qələbəsi ilə yekunlaşıb. Bu nəticədən sonra xallarının sayını 7-yə çatdıran "Şamaxı" 9-cu pillədə qərarlaşıb. Meydan sahibləri 15 xalla 6-cı sıradadır.
