Şəmkirdə toy edənlər məsuliyyətə cəlb olunublar
2021-03-03 12:08
Şəmkir rayon Polis Şöbəsinə rayon ərazisində yerləşən restoranlardan birində 120 nəfərdən ibarət toy mərasiminin keçirilməsi barədə məlumat daxil olub. Polis əməkdaşları toy mərasimini dayandırıblar, mərasim iştirakçıları və restoranın inzibatçısı saxlanılaraq şöbəyə gətiriliblər. Onlardan 40 nəfərə İnzibati Xətalar Məcəlləsinin müvafiq maddəsi ilə protokol tərtib edilib və 200 manat cərimə ediliblər. Restoran sahibi və digər 3 əməkdaşı barəsində protokol tərtib edilərək baxılması üçün məhkəməyə göndərilib. Digər şəxslərə isə xəbərdarlıq edilib.
Vüsalə Camal