Şəmkirdə evə basqın olub, ana və oğlu bıçaqlanıb
2021-04-26 14:06
Şəmkir rayonun Əliyaqublu kənd sakini olan qadının və onun yetkinlik yaşına çatmayan oğlunun müxtəlif bıçaq xəsarətləri ilə Şəmkir rayon Mərkəzi Xəstəxanasına yerləşdirilmələri barədə polisə məlumat daxil olub. Hadisəni törətməkdə şübhəli bilinən rayon sakinləri, əvvəllər bir neçə dəfə məhkum olunmuş Amil Sadiqov və Müsahib Miskinli saxlanılıblar. Araşdırmalarla onların zərərçəkənin evinə daxil olmaları və oradan nağd pul, qızıl-zinət əşyalarını götürmələri barədə əvvəlcədən razılığa gəlmələri məlum olub. Araşdırmalar davam etdirilir.
Nərgiz Camal