2021-10-25 12:08

Oktyabrın 20-də axşam saatlarında Şəmkirin İrmaşlı kənd sakini Vasif Mirzəoğlu dostu və həmkəndlisi Sənan Tağıyevə məxsus “VAZ” markalı maşınla, toy mərasimində spirtli içki qəbul etdikdən sonra avtoxuliqanlıq edib. Sürücülük hüququ olmadan avtombil idarə edən “sürücü” polis əməkdaşları tərəfindən saxlanılan zaman o, maşında olan digər sərnişinlər-Elmar Adıgözəlov, Sənan Tağıyev və Qismət Hüseynov sərxoş halda polisin qanuni tələblərinə tabe olmayaraq, nalayiq ifadələr işlədərək ictimai xuliqanlıq ediblər. Həmin şəxslər barəsində protokollar tərtib edilərək rayon məhkəməsinə göndərilib. Məhkəmənin qərarı ilə Mirzəoğlu 25, Adıgözəlov 3, Tağıyev və Hüseynov hərəsi 15 sutka müddətinə inzibati qaydada həbs edilib.

Vüsalə camal