2021-09-03 10:08

Tokoi 2020 paralimpiya oyunlarında üzgüçümüz Raman Saleh 100 metr butterfly kateqoriyası təsnifat mərhələsində 58.99 saniyəlik nəticə ilə, final mərhələsinə vəsiqə qazanıb. Taekvondoçu Əbülfəz Abuzərli isə 75 kq çəki dərəcəsində rəqibinə qalib gələrək, 1/4 finala yüksəlib.

İslandiyanın paytaxtı Reykyavikdə kişilər arasında şahmat üzrə Avropa çempionatının 8-ci turunun oyunları keçirilib. Təmsilçimiz Rauf Məmmədov bu turda rusiyalı Anton Demçenko ilə heç-heçə edib. 6,5 xalla 1-2-ci yerləri bölüşən Məmmədov qitə çempionatında məğlubiyyətsiz irəliləyir.

Fərid Mehdiyev