2020-12-17 16:09

Ümumdünya Səhiyyə Təşkilatı Azərbaycana tibbi maska göndərib. TƏBİB-in tibbi xidmətlər departamentinin rəhbəri Firəngiz Əliyeva deyib ki, təmənnasız təqdim edilən maskalar əsasən ölkəmizin tibb müəssisələrinə veriləcək. “Verilən suallardan biri də odur ki, hər birimizin ümid etdiyimiz peyvənd olunduqdan sonra maskaya ehtiyac olub-olmamasıdır. Amma əfsuslar olsun ki, bütün təşkilatların peyvənd almağa namizəd ölkələrə bildirdikləri kimi də hələ bir müddət maskalardan istifadə etmək məcburiyyətində qalacağıq”, - deyə Firəngiz Əliyeva sözlərinə əlavə edib.

Nərgiz Camal