2021-04-10 14:06

Ötən gün ölkə ərazisində 18 koronavirus xəstəsi ictimai yerlərdə aşkar edilərək saxlanılıb. Gəncədə evi tərk edən Elman Ələsgərov geri göndərilib, barəsində cinayət işi açılıb. Qazaxda gizli fəaliyyət göstərən hamamın sahibi Eldəniz Əzimov məhkəminin qərarı ilə 10 sutka müddətinə inzibati qaydada həbs edilib, 3 nəfərsə 200 manat miqdarında cərimə olunub. Paytaxtın Türkan qəsəbəsində evdə keçirilən toy mərasiminə qatılan 28 nəfər barəsində protokol tərtib olunub. Bərdənin Kətəlparaq kənd sakini Ədalət Hüseynovun övladına toy etdiyini müəyyənləşdirilib. 19 nəfər cərimələnib. Oğuzun Mollalı kəndində özünə toy edən İbrahim Məmmədov və qonaqları barəsində də qanunamüvafiq tədbirlər görülüb.

Vüsalə Camal