Ölkədə daha bir yaşayış məntəqəsi qazlaşdırılıb

Saatlı rayonunun Günəşli kəndinə təbii qaz verilib. Bu məqsədlə kənddə birpilləli sistem üzrə ümumi uzunluğu 24 min 50 metr olan müxtəlif diametrli metal və polietilen borularla daşıyıcı və məhəllədaxili qaz xətləri çəkilib, 245 ədəd sayğac və fərdi tənzimləyici quraşdırılıb. Qeyd edək ki, ilin əvvəlindən indiyədək rayonun Bəylər, Yeni Novruzlu və Qarayevkənd kəndləri qazlaşdırılıb. Hazırda isə 13 yaşayış məntəqəsində qaz xətlərinin çəkilişi başa çatmaq üzrədir.

Ruhəngiz Hacızadə